2015/10/08

|美容.新品試用|親身測試台牌éPure Jelly Mask有幾「神」.急救殘樣無難度!

近呢幾年NIC無論係去旅行定係工作,
都似乎都離唔開韓國……XDXD
我唔係唔滿足個個月有得去韓國架~
不過去〝旅行〞「呢家野」……
同〝錢〞一樣…有邊個會嫌多,哈哈!
加上SHOPPING係女人既天性…
每當去外地NIC就當然會買當地最潮最時尚既服飾及
出名好用既美容產品返香港啦。
不過香港出名係個購物天堂,
即使唔可以成日周圍去,留在香港都買到世界各地既商品!!!
例如早排行過「LOGON」就俾我見到好多網上BLOGGER大推既
台灣品牌éPure既皇牌產品Jelly Mask!!!


呢個Jelly Mask叫做水凝彈性冰晶膜,
佢之所以咁多朋友爭住話要試…
係因為大家都讚佢既功效好「神」,
除左可以深層清潔、排走毛孔入面d污糟野、
仲可以美白補水補養份,令d皮膚健康返、
而且仲可以減低暗瘡發炎的機會、
連d色斑暗瘡印都可以淡化~
一盒入面有3包Jelly Mask同埋1支小挖捧,2百蚊有找,
價錢都算合理XDXD
其實我早排都已經收到呢個品牌既產品架,
不過自己呢排忙忙地…遲遲都未開始試用……



直到呢一日既早上突然發現自己D皮膚真係殘到無朋友~(公開素顏攰樣)
可能因為上月尾出完TRIP捱夜無得瞓、返黎執貨交貨、
緊接住中秋、國慶KEEP住夜瞓出街去玩XDXD
唔好話皮膚啦~成個人都無好好休息,
就算之後努力補眠,想皮膚變返正正常常都幾難 ( T~T )
暗瘡、色斑通通都出晒黎 ~ 真係好灰 ( 哭 )
真係好想可以快D改善返自己既肌膚問題……
既然大家講到éPure冰晶膜咁勁~我既情況又咁worse……
一於試下呢個多功能修護面膜先!


聽網上D網友話~呢個Jelly Mask份量都幾多~
本身我自己都唔多信~
但一打開就見到真係好FULL~
一「筆」起就見到晶瑩剔透既啫哩狀MASK
(好似食得咁……XDXD)
冰晶膜係市面上首個採用活性細胞因子配方的面膜黎架,
擁有超強注水力,能夠瞬間為肌膚提升 30-50%水分……
NIC一聽到補水就已經覺得好興奮!!!!!
因為補水係皮膚好既先決條件~

面膜除左有活性細胞因子之外,
成份仲有玻尿酸,即係三重保濕複合因子及多種植物精華等等,
純天然成分不含酒精適合所有膚質,
敏感性肌膚都無問題啊~啱晒我!

洗乾淨塊面,拍埋爽膚水就可以用喇~
(~其實先加爽膚水後敷mask既做法,已經唔係新野,
不過橋唔怕舊,最緊要係有用!
因為咁樣做皮膚的確會吸收得好d,
所以呢個事前step我係唔會偷懶唔做)
試下先!用挖棒將冰晶膜均勻地厚敷臉部&頸部!
記住係厚敷啊~~大約3-5mm左右喇~
敷上面時~涼涼地~
但絕對無任何刺激皮膚既感覺~


說明書有講~鼻頭同有色斑既位置都要敷厚d~
因為可以去黑頭粉刺、淨化及收細毛孔,同淡化色斑、痘印
所以我就連額頭都加厚左,因為額頭都有暗粒啊~
希望佢可以幫我降紅消炎,舒緩及鎮靜肌膚。
本來我都擔心呢類Jelly mask會水流流~
又易滴到周圍係~
心諗死喇~我呢個patpat尖既人~
要唔郁敷住個mask等20-30分鐘,
應該唔掂wor~
但原來同我想像既唔同~佢D Jelly好緊貼皮膚,
(即使paper mask都可能會sin落黎喇~反而呢個就無事)
用起上黎都好乾淨企理,
即使趴係度睇書都無咩問題,
值得一讚!
敷完之後,
就用返支挖棒輕力刮走冰晶膜,用清水洗淨。
最後做埋護理程序就完成啦!

本來係透明既冰晶膜,
過左30分鐘之後在面上刮出來時…
某d Jelly變左乳白色XD!
我諗係面上既油分+毛孔既污糟野掛
用後感:
洗乾淨左塊面之後,
覺得之前眨紅既位置都變得淡左~
清左D黑頭~同埋原本紅腫既暗瘡都好似消左炎,
不過補水方面~我係覺得D皮膚好似無咁dry~無之前咁啞色!

就咁睇就唔覺佢有補到水,
但用機一CHECK就見到佢皮膚水分有升左,
呢個係最令我驚喜既地方!

不過要用晒全盒先完成到一個療程,
即係起碼要做3次以上先可以見到最佳成效,
依家我只係做左一次都覺得還可以,唔錯唔錯!
睇黎我仲要再努力做埋果2次。


敷完Mask記得要用面霜或者精華鎖返住d水分!
而補水係Nic既第一生命,
所以為左要令皮膚多一重保護膜,
我既護膚程序都轉用左éPure 全新推出
Cryo Cellular Jelly Essence 水凝明亮精華露!
精華露的獨特之處是
以超低溫技術萃取1000倍高濃度橄欖胚芽精華及其他珍貴天然成分,
令肌膚迅速吸收精華並形成滋潤的保護膜,
有效地注入養分至肌膚底層,持久緊鎖水分,
深層保濕保持水嫩,
並促進肌膚組織新陳代謝,
增生膠原蛋白,提升彈性及緊緻度,
改善肌膚暗啞,提升肌膚明亮度,
而且仲可以抗炎排毒,調理暗瘡肌膚,
嘩!真係一支就可以滿足晒我既願望。



 精華露同Jelly Mask一樣都係透明,
一泵已經夠cover全塊面,
清爽又唔油膩~

乾左之後,我真係覺得佢好似有一層好薄好薄既膜在塊面度,
但又唔會有負擔~
好似上妝都順滑d無咁kick~

又要評下分先!
1:冰晶膜既深層清潔、去紅印同消炎功效係做得唔錯,
睇到同感受到有改善
補水方面,好多網友都話佢好似麻麻地,
但我就覺得還好wor~
可能佢唔係paper mask果類~
敷完會搞到你塊面濕笠笠,好似好水咁
但通常呢d濕~只係一個錯覺,
係唔係補到水?!落唔落到肌底就真係唔知~
當然心理上係好過d!
始於有一點我要講~補水唔係染髮廣告咁講「得~得左」,
麻煩大家要中肯少少~
要持之以恆先有成效,同埋好多其他因素影響,
而我覺得冰晶膜似係循序漸進式,
一步一步改善皮膚問題,
咁樣既護膚品先係正路!
同埋我覺得佢既份量好多~
如果你屬於小面一族,絕對可以1包分2次用,抵啊
我會俾佢80分!
2:精華露方面,清爽唔油係令人幾舒服,
而且仲有調理暗瘡既功效,
不過如果你係用開d好潤既產品,
我諗你未必適合,
當然開始轉季~天氣會漸漸乾燥,
我覺得用左佢之暫時都無出現甩皮既問題~頂得住XDXD
值70分!
係WOR~上次篇講完COMMON GROUND話會SHARE剪頭髮既經驗
好啦~整理好D相就會發文!
記得要繼續支持啊!

以上產品由éPure贊助
éPure網頁:www.epureskin.com
Facebook 專頁:éPure Hong Kong

❤EMAIL❤
nicnicheung@gmail.com




沒有留言:

張貼留言